Джаз аньанелери акта журналистлернен Joe Lastie's New Orleans такъымынынъ чалгъыджылары субет эттилер. «Бизим миссиямыз умумен ве айры алда фестивальде — бу классик джаз аньанелерини сакълап къалмакъ», —деп, тариф этти бэнднинъ лидери Джо Ласти.
Такъым бир йыл эвельси Новый Орлеан шеэринде яратылды. «Бу хусусий шеэр — музыка иле, джаз иле нефес алгъан шеэр. Меним макъсадым ве бизим коллективимизнинъ макъсады- джазны тешвикъ этмек ве онынъ медений мирасыны даркъатмакъ», — деп, къол тута Эдвард Рубио.
Коллективнинъ иштиракчилери айткъанына коре, джаз — пек интеллектуаль музыка олгъанына бакъмадан, о беден севиесинде де пек яхшы сезиле.
«Бизим такъымымыз классик аньаневий джаз ич ольмегенини косьтермек ичюн яратылгъан эди. Биз бугунь инсанларгъа новоорлеан джазы не олгъаныны дуйдыраджамыз», — деп, ишандырдылар чалгъыджылар.